ლოცვა, რომელსაც პასუხობს ღმერთი

359 ნახვა
67 გაზიარება
0 კომენტარი

არსებობს მხოლოდ ერთი სახის ლოცვა, რომელსაც პასუხობს ღმერთი. ესაა რწმენის ლოცვა. მათეს სახარებაში (9:29) ნათქვამია: „თქვენი რწმენისამებრ მოგეგოთ.“ ჩვენ ცოტას ვხედავთ ჩვენს ცხოვრებაში, რადგან ძალიან ცოტას ველოდებით.

რა არის რწმენა? შესაძლოა, თქვენ მიპასუხოთ: „მე მწამს, რომ ღმერთს შეუძლია ამის გაკეთება!“ ეს არ არის რწმენა, ეს უბრალოდ ფაქტია. ღმერთს შეუძლია ამის გაკეთება, მიუხედავად იმისა, გწამთ თუ არა ამის. „მე მჯერა, რომ, სავარაუდოდ, ღმერთი გააკეთებს ამას“ − ამის თქმაც არ გახლავთ რწმენა. აქ საუბარია იმედზე. „მე მტკიცედ მჯერა, რომ ღმერთი გააკეთებს ამას“ − აი, რა არის რწმენა.

ზოგიერთი ადამიანი ლოცულობს თავის სულიერ, ფინანსურ და ჯანმრთელობასთან დაკავშირებული საკითხების შესახებ. ისინი ფიქრობენ, რომ რადგან ითხოვენ კარგს და სურთ კარგი, ღმერთი უპასუხებს მათ ლოცვას, მაგრამ სურვილი რწმენა არ არის. სურვილს შეუძლია რწმენასთან მიიყვანოს ადამიანი, მაგრამ თავად სურვილი არ გახლავთ რწმენა.

მე თუ ავიღებ თესლს და მიწაში ჩავაგდებ, რამდენიმე თვეში ამ თესლიდან აღმოცენდება პომიდორი და მოვკრეფ ნაყოფს. ეს სასწაული იქნება? არა. მე უბრალოდ ვმოქმედებდი ღვთის მიერ დაწესებული კანონზომიერების მიხედვით და ამიტომაც გამოვიდა ყველაფერი. მაშინ, როცა ვლოცულობ, მწამს, ვიცავ წმინდა წერილში დადგენილ პირობებს და ღმერთი მპასუხობს, ეს სასწაულია? არა. ეს უბრალოდ ღვთის მიერ დადგენილი უნივერსალური ცხოვრებისეული კანონების შესაბამისად ხდება.

ბიბლიაში ნათქვამია „თქვენი რწმენისამებრ“ და არა „თქვენი შესაძლებლობებისამებრ“, თუ „თქვენი განათლებისამებრ“, ან იმის მიხედვით, თუ რამდენად კარგი ადამიანი ხართ. წმინდა წერილის პირობებს თუ შეესაბამება თქვენი ცხოვრება, ეს იმას ნიშნავს, რომ ღმერთთან წრფელი ურთიერთობა გაქვთ, მიუტევებთ სხვებს, მზად ხართ, „განუმარტოთ ყველას თქვენი იმედის შესახებ“ (1 პეტრე 3:15); ღმერთს თუ რწმენით სთხოვთ რაღაცას, ეს იმაზე მიუთითებს, რომ გაქვთ სრული უფლება, ელოდოთ ღვთის პასუხს თქვენს ლოცვაზე.

რიკ უორენი

წყარო: http://ieshua.org





ქრისტიანული არხი

შემთხვევითი სიახლეები

video

19 ივლ 2019 3.34 pm

30 წელია, რაც  ყოველ დილით კაპიტანი დევიდ რაიტი ვირჯინიის სანაპიროზე   სპორტული…

13 ივნ 2019 4.37 pm

გავრცელებული სტერეოტიპის მიხედვით, მეცნიერება და რელიგია ხშირად ვერ მოდიან…

06 აგვ 2019 12.10 pm

მლოცველ ადამიანს შეუძლია ცვლილებების მოხდენა. ჩვენ მოწოდებულნი ვართ, ვიდგეთ…

14 ნოე 2019 1.09 pm

მთელი მსოფლიოს მასშტაბით ქრისტიანები მონაწილეობას იღებენ ლოცვის ყოველწლიურ…

16 ივლ 2019 6.46 pm

ჩრდილოეთ კაროლინელი დედა, რომლის 12 წლის ბიჭმა სანაპიროზე სუნთქვა შეწყვიტა,…